МИНИСТР БООБЕК АЖИКЕЕВ КУТКАРУУЧУЛАРДЫ ДАЯРДООЧУ МАМЛЕКЕТТИК БОРБОРДУ ТЕКШЕРДИ
7 февраля 2026, 21:41
Бүгүн Өзгөчө кырдаалдар министрлигинин Куткаруучуларды даярдоочу мамлекеттик борборунда министр, генерал-лейтенант Бообек Ажикеев өздүк курамдын даярдыгы, борбордун ишмердүүлүгү менен таанышты.
Министр алгач аскердик кызматын өтөп жаткан жоокерлерден кабар алып, жатаканасынан, машыккан жайларына чейин көрүп чыкты.
Ошондой эле мөөнөттөгү жоокерлерге кысым көрсөтүүнү болтурбоо үчүн жатаканаларга, машыккан жайларга коюлган 112 видеокамеранын иштөөсүн текшерип, үзгүлтүксүз камсыз болуусун тапшырды.
“Көп тил билген адамга дүйнө жарык. Аскердик кызматын өтөө милдетин аяктаганга чейин түрк, англис тилдерин үйрөнсөңөр сиздер үчүн өзгөчө артыкчылык болот”, – деген министр тил үйрөтүү курстарын уюштурууну тиешелүү жетекчилерге тапшырды.
Өз кезегинде мамлекеттик борбордун материалдык-техникалык базасын бекемдөө, жоокерлердин ашканасын, жатаканасын, медициналык пунктуна чейин заманбап деңгээлде жакшыртууну демилгеледи.
Источник: КР ӨКМ ПРЕСС-БОРБОР
Другие новости по теме
«Ыйман Нуру» Адилеттүүлүк жана өнүгүү саясий партиясынын Каракол шаардык кеңешинин депутаттарын шайлоо алдындагы программасы
Каракол шаарындагы айдоочуларды даярдоочу автомектептердин мугалимдеринин катышуусу менен, бүгүн 30-январь күнү ОИИБдин борбордук аппаратынын өздүк курамына жол эрежелерин үйрөтүү боюнча кошумча сабак окутуу иштери жүргүзүлдү
2024-жылдын 22-январь күнүнөн 23-январь күнүнө караган түнү түнкү саат 00:09 убактысында жер титирөө катталып, оор кырдаал түзүлдү
Өзгөчө кырдаалдар министрлигинин Ысык-Көл облусу боюнча башкармалыгына жаны шаймандар тапшырылды.
