2024-жылдын 22-январь күнүнөн 23-январь күнүнө караган түнү түнкү саат 00:09 убактысында жер титирөө катталып, оор кырдаал түзүлдү

2024-жылдын 22-январь күнүнөн 23-январь күнүнө караган түнү түнкү саат 00:09 убактысында жер титирөө катталып, оор кырдаал түзүлдү.

Бул учурда көп кабаттуу үйлөрдүн жашоочулары жалган маалыматтарга ишенип, түнкү саат 2,3 убактыларына чейин эшикте болушту.

Ошол учурда Каракол шаарынын баардык муниципалдык мекемелери күчөтүлгөн режимдеги ишке өтүшкөнүн ошондой эле, жеке ишкердин демилгеси менен "Баракат" чайканасында суукта калгандар үчүн атайын жай ачылганын кабарлашкан.Ал ишкерге ыраазычылык билдиребиз.

Азыркы учурда абал тынч, баары өз нугу менен кетүүдө.

Мындай көрүнүш кайталанбаш үчүн бир катар жеке тармактар менен сүйлөшүүлөр жүргөнүн жана мекемелерге дагы тапшырма берилгенин эскертебиз.

Эгерде Каракол шаарында ушундай жер титирөө кайталана турган болсо;

1. Каракол шаарынын Восход кичи районундагы #15 мектебине.

2. Каракол шаарынын #5 мектебине ( Нариман).

3. Кутманалив- Бороонбай бий көчөлөрүнүн кесилишиндеги "Саймалуу" кафесине.

4. Гагарина көчөсүндөгү "Боорсок " кафесине.

5. Масалиев көчөсүндөгү, Ысык-Көл мейманканасына ( Мамлекеттик резиденциянын жанындагы) барсанар болот.

Атайын өзгөчө кырдаалдар учурунда;

1.Каракол шаарынын мэриясынын уюштуруу иштери бөлүмүнүн башкы адиси-Максатбеков Эржан Максатбековго ( байланыш номери 0701 82 15 46)

2.Каракол шаарынын мэриясына "52211" номерине

3. "112" байланыш номерине .

4. Каракол шаарынын Өзгөчө кырдаалдар бөлүмүнүн жана жарандык коргонуу бөлүмчөсүнүн башчысы, майор-Кожокманов Алмаз Максатбекович (байланыш номери 0709 27 07 12) кайрылсаңыздар болот.

Мындай учур болбой эле койсун.

Терең урматтоо менен Каракол шаарынын мэриясынын маалымат кызматы.