Каракол шаарындагы айдоочуларды даярдоочу автомектептердин мугалимдеринин катышуусу менен, бүгүн 30-январь күнү ОИИБдин борбордук аппаратынын өздүк курамына жол эрежелерин үйрөтүү боюнча кошумча сабак окутуу иштери жүргүзүлдү
30 января 2024, 12:33
Каракол шаарындагы айдоочуларды даярдоочу автомектептердин мугалимдеринин катышуусу менен, 2024-жылдын 30-январь күнү Ысык-Көл ОИИБдин жыйындар залында, ОИИБдин борбордук аппаратынын өздүк курамына жол эрежелерин үйрөтүү боюнча кошумча сабак окутуу иштери жүргүзүлүп, анда кыймыл учурунда туш болушу мүмкүн болгон кооптуу жагдайлар тууралуу айтып беришти.
Иш-чарага катышкан кызматкерлеринин баардыгы эле айдоочулар экендигин эске алып, жолдо жүрүү учурунда ар кандай жол тыгындарына жана кырсыктарга жол бербөө максатында, айдоочулар бири-бирин сыйлоо менен айдоочулук маданияттарын жогорулатуу багытында дагы кошумча түшүндүрүү иштери жүргүзүлдү.
Өздүк курамга жол эрежелерин үйрөтүүгө багытталган мындай кошумча окутуу иш-чаралары облустун аймагындагы баардык ШРИИБдин имараттарында уюштурулуп, өткөрүлүүдө.
