Ысык-Көл электр тармактарынын автопаркы жаңыланууда

«КУЭТ» ААКнын филиалы Ысык-Көл электр тармактар ишканасы райондук электр тармактарына жаңы техникаларды бөлүштүрүп берди. Эки эксковатор Түп жана Тоң, ал эми эки манипулятор Чолпон-Ата жана Ак-Суу райондук электр тармактарына тапшырылды.

Эскерте кетсек, ишкана боюнча автопарктын эскилиги 60-70 пайызды түзөт, бирок жылдан жылга “Кыргызстан улуттук электр тармагы” ААКу тарабынан техникалар жаңыртылып, энергетиктерге шарттар түзүлүп, техникага болгон муктаждыктар чечиле баштады . Мисалы 2023-жылы Ысык-Көл электр тармактар ишканасына жалпы 11 даана жаңы техника келсе, 2024 –жылдын башынан бери 7 даана жаңы техника келип, райондук электр тармактарга бөлүштүрүлүп берилген.

 Жаңы техникалар энергетика тармагында жумуш ыргагын тездетип, тейлөөнүн сапатын жакшыртат жана күз-кыш мезгилине өз убагында жакшы даярданууга өбөлгө түзүп, электр энергия менен камсыздоонун коопсуздугун жана ишенимдүүлүгүн жогорулатат.