Каракол шаарынын кичинекей патриот тургуну Алан

14 января 2024, 17:32

Эх, кандайсыңар, достор?

Эс алуу күндөрүңөр ийгиликтүү өтүп атабы ?

Бүгүн мен жагымдуу жаңылык менен бөлүшүүнү туура көрдүм.

Каракол шаарынын кичинекей тургуну Талгатов Алан Айдаровичти биздин тазалык муниципалдык ишканасынын кызматкерлери менен кошо биргеликте кубануу менен Абдрахманов көчөсүн тазалап жүргөнүн шаар башчысы социалдык баракчалар аркылуу көрүп калып, аябай сүйүнүп, кичинекей болсо да Каракол шаарынын тазалыгы үчүн кам көрүп атканына ыраазы болуп, бүгүн эс алуу күнүндө Алан менен жолукту.

Жолугушууда Чыңгыз Бапаев кичинекей бөбөккө атайын белек берип, ар дайым ушундай патриот болуп, жакшы билим алып, келечекте өлкө үчүн көп иш жасаган, өз салымын мекенибиз үчүн кошкон инсан болууга чакырды.

Источник: Фейсбук