“ART DIALOG” – МУЗЕЙЛЕРДИН ЖАҢЫ БАГЫТЫ

Кыргыз Республикасынын Маданият, маалымат жана жаштар саясаты министрлигинин демилгеси менен 2026-жылдын 6-февралында Улуттук телеберүү корпорациясында музей тармагынын келечегине арналган «ART DIALOG» аттуу ачык диалог ийгиликтүү өткөрүлдү.

Иш-чарага мамлекеттик катчы Арслан Койчиев, Маданият, маалымат жана жаштар саясаты министринин биринчи орун басары Союзбек Надырбеков, “УТРК” телеканалынын башкы директору Улан Сатиев, музей тармагынын адистери жана маданият өкүлдөрү катышты.

“ART DIALOG” аянтчасынын негизги максаты - Кыргыз Республикасындагы музей ишмердүүлүгүнүн учурдагы абалын ар тараптуу талдоо, тармактагы актуалдуу көйгөйлөрдү ачык талкуулоо жана музейлерди өнүктүрүүнүн жаңы, заманбап багыттарын биргеликте аныктоо болду.

Ачык диалог форматындагы жолугушууга музей адистери, маданият тармагынын өкүлдөрү, мамлекеттик органдардын расмий өкүлдөрү, эксперттер, чыгармачыл чөйрөнүн өкүлдөрү жана кызыкдар тараптар катышты. Иш-чара музей тармагында пикир алмашууга ачык аянтча түзүп, заманбап чакырыктарды аныктоого жана практикалык сунуштарды иштеп чыгууга багытталды. Катышуучулар тарабынан айтылган сунуш-пикирлер музейлердин туруктуу өнүгүүсү үчүн маанилүү негиз катары белгиленди.